Акушерлік және неонатология саласындағы анестезиология мен қарқынды терапияның өзекті мәселелері

Алматы қаласында «Акушерлік және неонатология саласындағы анестезиология мен қарқынды терапияның өзекті мәселелері» тақырыбында республикалық ғылыми-практикалық конференция өтті.

Конференцияны ұйымдастырушылар:

✔ҚР Денсаулық сақтау министрлігінің қолдауымен

· «Анестезиологтар мен реаниматологтар федерациясы» РҚБ

· «Педиатрия және балалар хирургиясы ғылыми орталығы» АҚ

· «Акушерлік, гинекология және перинатология ғылыми орталығы» АҚ.



Қатысушыларға құттықтау сөз сөйлегендер:

· ҚР ДСМ АмБДСД директорының орынбасары Бұгенбаева Жамал Жаркенбекқызы;

· «Акушерлік, гинекология және перинатология ғылыми орталығы» АҚ Басқарма төрағасы Уразбаева Гульфайруз Галимовна;

· «Педиатрия және балалар хирургиясы ғылыми орталығы» АҚ Басқарма төрағасының ғылым жөніндегі орынбасары Айгүл Базарбаева;

· Профессор Карамет Йылдыз, Түркияның анестезиология және қарқынды терапия қоғамының сайланған президенті және қазіргі вице-президенті, Эрджиес (Кайсери) университетінің медицина факультетінің балалар анестезиологиясы кафедрасының меңгерушісі (Түркия);

· Профессор Ефим Муневич Шифман, Анестезиологтар-реаниматологтар қауымдастығының президенті, Ресей Федерациясы Денсаулық сақтау министрлігіне қарасты Н.И. Пирогов атындағы Ресей ұлттық зерттеу медицина университетінің қосымша кәсіби білім беру факультетінің анестезиология және реаниматология кафедрасының профессоры (Ресей).

Гүлфайруз Галимовна өз сөзінде Қазақстандағы әйелдер мен балаларға көмек көрсету сапасын арттыру үшін ғылымның, практиканың және халықаралық тәжірибенің күш-жігерін біріктірудің маңыздылығын атап өтті.

Конференция Қазақстан мен Ресей, Түркия, Қырғызстан, Өзбекстан, Тәжікстан және Беларусь елдерінен келген мамандарды — анестезиолог-реаниматологтарды, акушер-гинекологтарды, неонатологтарды, ғалымдарды, медицина қызметкерлері мен сарапшыларын біріктірді.



РҚБ «Анестезиологтар мен реаниматологтар федерациясы» президенті, профессор Ерғали Миербеков:

«Жүкті, босанған әйелдердің және жаңа туған нәрестелердің денсаулығын сақтау — Қазақстан денсаулық сақтау жүйесінің басым бағыттарының бірі. Бұл конференция еліміздің анестезиологиялық қауымдастығы үшін маңызды оқиға болды, отандық медицинаның дамуына және халықаралық байланыстардың нығаюына ықпал етті».

Екі күн бойы қатысушыларға ана мен бала өлімінің төмендеуі, анестезиологиялық қамтамасыз етудің заманауи әдістерін енгізу сияқты ең өзекті мәселелер бойынша шеберлік кластары, пленарлық отырыстар, пікірталастар мен секциялар өтеді.