ҚР ДСӘДМ Акушерия, гинекология және перинатология ғылыми орталығының мәжіліс залында Орталықтың директоры, м.ғ.д. Лязат Актаеваның басқаруымен Қазақстан Республикасының еңбек сіңірген қайраткері, медицина ғылымдарының докторы, профессор, Акушерия, гинекология және перинатология ғылыми орталығының бас ғылыми қызметкері Нина Амировна Каюпованы құрметтеу салтанаты өтті.
Салтанатты шараға Алматы қаласының перинатальдық орталығының, босану үйінің өкілдері мен Орталықтың ұжымы мен резиденттер қатысты.
Л.Актаева өзінің құттықтау сөзінде Нина Амировнаның еңбек жолы адамдарға әке мен ана болу қуанышын сыйлай отырып, ана мен баланың өмірі үшін жауапты болу ұлы мақсатына арналғанын атап өтті. Қазақтың ақын қызы Аққұштап Бақтыгерееваның «Нина Амировна – жүрегіне күн орнаған ақ халатты періште» – жүректен шыққан сөздері дәл осы абзал жанған арналған. Еліміздің Тәуелсіздігіне 25 жыл толуына орай Н.А.Каюпова Қазақстанның босандыру қызметінің дамуына қосқан үлесі үшін мемлекеттік жоғары награда – ІІ-дәрежелі «Достық» орденімен марапатталды. Ол кісінің тұлғасы, мінезі мен өмірлік ұстанымы мәртебелі істердің нәтижесі.
Осы салтанатты шарада резидент Дәурен Қалдыбаев Н.А.Каюпованың еңбегі мен жетістіктері туралы презентация көрсетіп, әріптестерінің құттықтауын жолдады.
Нина Амировнаның өмірлік жолы, ішкі ұстанымы, оның ұлы азаматтылығы мен дүниетанымы – өз мамандығына берік болу мен туған елін сүйе білудің үлгісі.
[su_custom_gallery source=”media: 1795,1794,1793,1792,1791,1790,1789,1788″]
No Comments