ПЕРСОНАЛДЫ БАСҚАРУ ЖӘНЕ ІС-ҚҰЖАТТАРЫН ЖҮРГІЗУ БӨЛІМІ
Персоналды басқару және іс-құжаттарын жүргізу бөлімі (бұдан әрі – бөлім) Қазақстан Республикасы Денсаулық сақтау министрлігінің «Акушерлік, гинекология және перинатология ғылыми орталығы» АҚ және персонал мен іс-құжаттарын басқару саласындағы бақылау функциялары мен басшылықты жүзеге асыруға уәкілетті құрылымдық бөлімше болып табылады.
Бөлім өз қызметінде: «Халық денсаулығы және денсаулық сақтау жүйесі туралы» Қазақстан Республикасының Кодексін, «Денсаулық сақтау жүйесі туралы» Қазақстан Республикасының Заңдарын; «Азаматтардың денсаулығын қорғау туралы»; «Азаматтардың ұрпақты болу құқықтары және оларды жүзеге асыру кепілдіктері туралы» Қазақстан Республикасының Еңбек кодексі және кәсіпорынның қызметіне қатысты Қазақстан Республикасының басқа да қолданыстағы заңнамалық құжаттары мен құқықтық актілерін; ҚР СТ ИСО 9000:2007 (ISO 9000:2005), ҚР СТ ИСО 9001:2009 (ISO 9001:2008) стандарттарының талаптарын; Кәсіпорынның стратегиясын (миссия, көзқарас және стратегиялық мақсаттар) және т.б. ҚР заңнамаларын басшылыққа алады

Басқарманың мынадай басқару құрылымы бар:
– Персоналды басқару және іс-құжаттарын жүргізу бөлімі басшысы;
– Персоналды басқару және іс-құжаттарын жүргізу бөлімінің маманы
– мемлекеттік тіл жөніндегі сарапшы-маман
– іс-құжаттарын жүргізуші
– мұрағатшы

Негізгі міндеттер – кәсіпорынның кадр саясатын қалыптастыру және жүзеге асыру; кәсіпорын процестерін олардың қажеттіліктеріне сәйкес білікті және құзыретті кадрлармен қамтамасыз ету; кәсіби біліктіліктің қажетті деңгейін анықтау және қамтамасыз ету негізінде персоналды басқару; нұсқаулықтарға және басқа да нормативтік-әдістемелік құжаттарға сәйкес іс-құжаттарын жүргізуді ұйымдастыру және жүргізу.

Сонымен қатар, кәсіпорынның белгіленген ішкі нормативтік құжаттамасына, талаптарға сәйкес бөлімшенің шаруашылық жүргізу, жоспарлау, есепке алу және есептілік құжаттамасының тиісті сапа деңгейін қамтамасыз етеді және Қазақстан Республикасының заңнамасына сәйкес басқа да функцияларды жүзеге асырады.